ພັນລະນາເຖິງຄົນມີສິນ

ພັນລະນາເຖິງຄົນມີສິນ
ຄົນຜູ້ມີສິນນີ້	ໃຈດີເຢັນຊຸ່ມ
ຄືດັັ່ງນ້ຳຕຸ່ມແກ້ວ	ຍາມຂຸ້ນແມ່ນບໍ່ມີ
ທັງເຫລົ່າສີສະອາດດ້ວຍ	ຊ້ອຍຊື່ນໂສພາ
ມີວາຈາກາຍໃຈ	ຜ່ອງໃສສະເຫມີແກ້ວ
ຍາມເມື່ອສິນປະດັບເນື້ອ	ແວວງາມວາດຄ່ອງ
ຄືດັ່ງຄອງແຜ່ນຜ້າ	ລາຄ່າລ້ຳລື່ນຄຳທ່ານເອີຍ
ໃຜຊິນຳໄປເອ້	ທາງໃດໄດ້ທຸກແຫ່ງ
ບໍ່ເລືອກໄວ ແລະ ຊັ້ນ	ຊົງໄດ້ດັ່ງກັນ
ບໍ່ວ່າໃຫຍ່ ແລະ ນ້ອຍ	ໜຸ່ມແກ່ປານກາງ
ທັງຜູ້ຍິງ-ຜູ້ຊາຍ	ຝ່າຍໃດສະເໝີຜ້ຽງ
ບໍ່ຄືອາພອນຜ້າ	ທຳມະດາໂລກແຕ່ງ
ເຄື່ອງເອ້ທາງໂລກນັ້ນ	ງາມໄດ້ແຕ່ເກົ່າເປັນ
ຕ້ອງໄດ້ຟອກຊັກຍ້ອມ	ຍາມເກົ່າກໍ່ເໝັນກຸຍ
ບໍ່ຄືຄອງຄຸນສິນ	ໜໍ່ອົງພຸດໂທເຈົ້າ
ດີບໍ່ມີຍາມເສົ້າ	ດີໄປເທົ່າຊົ່ວ
ບໍ່ມີການຊັກຍ້ອມ	ເໝືອນຜ້າແຜ່ນສະໃບ
ດີໄປຈົນສະລາເຖົ້າ	ທົນທານທັດທ່ຽງ
ແມ່ນວ່າເກີດຊາດຫນ້າ	ກໍ່ຍັງເຫຼື້ອມຢູ່ດັ່ງເດີມ ທ່ານເອີຍ!